Tufang Online ih Lar zet mino pahnih tei` thuhla Dik

Tufang, Kawlram mi lakih lar zet thi le hnai thawi` kut zungthum thlir lai mino 2 ih zuk cu Kayah ramṭhen Dimawso peng ih zuk mi a si tiah khuami pawl in Irrawaddy hnen ah an nemhnget.

Gangaw PDF kai tuar pawl an si tiah thuthang a suak lawk nan Dimawso peng ih khuami pawl cun September 8 ih kaih tuar Fidel Lay (kum 14) le Paskua Lay (kum 15) pawl an si tiah an sim.

“An pahnih in Sanpiah peng 6 khuami an si tiah an sungte hnen in thufelfai kan thei. Gangaw ih zuk mi a si lo. Zuk suak thok nak Hram kan hawl nan kan thei ciah hrih lo. An zuk nak hi kan theih mi hmunram a bang tuk ruangah zirzoinak kan nei cu ခမရ ၄၂၇ kiangkap a si ti kan thei suak. CDM tuahtu ralkap pakhat hnen khalah kan sut ciang ih a si ko a ti” tiah khuami pakhat cun a rel.

Mino 2 hi PDF an si tiah online ah a darh nan an sungkhat naivai mipakhat cun “PDF an si lo. Mawh neilo an si. Ziangvek dinhmun an thleng ti kan thei ciang hrih lo, zirzoinak kan nei rero lai” tiah FB cahmai ah a ngan.

NUG in raltho ṭhangphawknak tlang an than Ni, September 7 zaanlam nazi 3 hrawngah Dimawso peng ah SAC ralhraang le KNDF ralkapbu nasaten an kapaw ih Sanpiah peng 6 khua telin Dimawso peng ih khuami tamzet cu humhimnak hawl in hramlak ah an beu.

Fidel Lay le Paskua Lay khal cu ralkian pawl lakih telve an si ih ralhraang pawl ih siatsuahmi an khua haal dingih an tlun lai ah SAC ralhraang pawl ih kaih an tuar mi a si ih an rual in mino dang kai mi khal an um tiah theih a si.

Leave a Reply

Your email address will not be published. Required fields are marked *