Tlawnginn ah kum 8 mi nauhak pawngsual tuar

Sagaing ramṭhen, Kanbulu peng, NatInn khua ih Tlawnginn kiltu Pyosawṭhi ralhraang putar pakhat in phunhnih kai lai nauhak kum 8 mi a pawngsual ti`n Kanbulu Young Boys pawlkom in thu thang an suah.

Kanbulu khua ihsin nisuahnaklam peng 4 hrawng ih um Natinn khua Tlawnginn ah SAC ralhraang le an hmanfung Pyosawṭhi 40 hrawng umhmun an khuar ih, June 6 ni ah Tlawngkai nauhak kum 8 mi cu Tlawnginn hruangkulh sungah putar pakhat in a pawngsual.

Pawngsualtu cu kum 53mi U ShewBa tiih kohmi a si ih, amah hi innsang fanau neizo a si ti`n Kanbulu Young Boys pawlkom cun thu an suah ih “ralhraang hmanfung Pyosawṭhi ralhraang a si” ti`n an tarlang.

“Hih thu hi lenglam thandarh an phang ruangah ralhraang ralkap in pawngsual tuartu innsang hi kyat ting 30 thawn an biak rem ih, pawngsualtu cu nazetin an hrem” ti`n thusuahmi ah an ngan tel.

NatInn Tlawnginn ih um ralhraang pawl cu tuhlan khalah khawsung le lamzin tivekah duhsahin an khawsa ih khualtlawng sukso pawl khal duhtawkin paisa an khawng ṭheu ti a si.

Hih thubuai hi lenglam theih lo dingih humthupmi a si ruangah pawngsualawknak a um hnu khalah fa le Tlawngkaitertu nu le pa pawl cun zianghman thei lo in pangaiten an fa le pawl Tlawng an kaiter tiah theih a si.

Leave a Reply

Your email address will not be published. Required fields are marked *