Tlangpar hriamkai pawl hnen ah Siah khong theinak Thuneihnak an pe

Ziinan thawn pehparmi Siah khong theinak thuneihnak cu NUG cozah in an lam ṭang Tlangpar hriamkai pawl hnen ah camkhat hrang a pe sung thu, March 18 ah thu an suah.

Ziinan, Ziinan thawn a pehparmi thilri/hnaṭuan le Khawte ih ziinan zuartu dawr pawl hnen ih Siah khong theinak cu NUG cozah lamṭang EROs (တိုင်းရင်းသားလက်နက်ကိုင်​တော်လှန်​ရေးအဖွဲ့များ) siseh, ပအဖ(ပြည်သူ့အုပ်ချုပ်ရေးအဖွဲ့ ) le ပကဖ (ပြည်သူ့ကာကွယ်ရေးအဖွဲ့) hnen ah NUG cozah in camkhat hrang a pe sung mi a si.

Siahkhongnak cu NUG cozah dundan thawn milawin khon vivo ding a si thu, NUG cozah pumruang pakhat a si mi Ministry of Electricity & Energy zung ihsin thu an suah a si.

Khawte lam ih datsii dawr tuah duh hrang licence thar diltheihnak cu kum 2020 ah an phit nan, atu ah NUG cozah in a thar in a ong saal ih, cumi ṭuanvo lak dingah Tlangpar hriamkai pawl camkhat hrang ṭuanvo a pe a si.

Siah khong dingmi ah ziinan khur lai nak, ziinan
khawl nak, phurh thiar nak le ziinan suang/zuar tipawl a tel a si.

Tuhlan ah hivek siahkhongnak cu ramkulh pengṭhen cozah pawl in ṭuanvo an la tiah theih a si.

Leave a Reply

Your email address will not be published. Required fields are marked *