Titoihpuai zuamawknak lawmman pekmi pawl lak sak saal

SAC Ralhraang haihotnak thawn tuahmi Mandalay Titioihpuai ih lawmman pekmi ṭhenkhat cu siipin zung lam ihsin a thaizing ah an long saal.

Tubai ih Titoihpuai le Yadanarbon Amusement Park onpuai hrangah SAC ralhraang in Rang/Caw-Leng ceimawimi an hlang ih, Mandalay pengṭhen myone 3 aiawhin zuamawknak le laksawng peknak ti pawl an tuah.

Rang/Caw-Leng ceimawi zuamnak cu atakin an tuah nan lawmman pekmi cu TV ih lang dingah a hmin men in an tuah tiah Mandalay Siipin thawn naivaitu mipakhat in MFP hnen ah a sim.

“Pakhatnak ah kyat ting 50, Pahnihnak kyat ting 45, Pathumnak kyat ting 40 ti`n an pe nan a hminmen a si ih Siipin zung lam ihsin a thaizing ah an long thluh saal” tiah amahcun a rel ih “nihlawh le Leng hlanman cu an pe nan zuamawknak laksawng cu TV hrang lawngah a si” a ti.

Titoihpuai Longto zuamnak le a dangdang zuamawknak khal an tuah ih, cupawl laksawng pekmi an long saal maw timi cu MFP khalin thufelfai a theilo thu, a tarlang a si.

Leave a Reply

Your email address will not be published. Required fields are marked *