Titoihpuai ih Meithal hmetpuaktu cu Zuri Palik le Ralkap an rak si ziar

Tuni, April 15 zaanlam nazi 5 hrawngah Kachin ramkulh, Myitkyina ih lamzawh titoihpuai an tuah lai fang, meithal puak mi cu zuri ralkap le palik pawl hmetpuakmi a rak si ziar.

Meithal puak thawm a thang ih, mipi thinphang zetih an tlan ciamco lai fang video cu internet cahmai ah thlah darh a si ih “miburkhat mawṭaw thawn an ra ih meithal an hmetpuak” tiah an tarlang.

Asinan, tualsungum mipakhat cun zuri ralkap le palik pawl hmetpuakmi a si ti`n a rel ih “ralkap maw palik an si ti cu ka thei ciang lo. Zuri in an ṭur an laam ciamco ih culai fangah meithal an hmet puak ngah” a ti.

Nuam ceen lai ih meithal a puak mi cu SAC ralhraang lam khalin an nemhnget ih “buainak a suak ruangah an kap hrim mi a si” ti`n thu an suah.

“Zaanlamri ah mino pawl an sualaw ciamco ih ṭuanvo neitu pawlin an kham nan an cawl cuanglo. Curuangah humvennak tuahtu ralkap/palik in tlunlam hoih in meithal an hmetpuak” tiah ralhraang thuthang phuang ṭheutu media ṭhenkhat in an tarlang.

“Puai ih teltu zate deuh thaw cu kyat 5000 man mihring pawl le Uico palik ralkap pawl an si” ti`n thuhla relfiangtu tualsungum mipakhat cun a rel bet hrih.

Myitkyina ah Ralhraang tawlrelmi Titoihpuai an hmang nan Hpakan, Bhamo myo tipawl telin Kachin ramkulh Khua tamsawn cu a ṭhing riapriap a si.

***Zuk hlun***

Leave a Reply

Your email address will not be published. Required fields are marked *