Tili ih tlak mi Mawṭaw an phorh thei zo nan atotui` ruak an hmu thei hrih lo

Kachin ramkulh, Hpakan peng, Ayemyatharyar khua ih Lungmankhung hawlnak khur hlun tili sungih mawṭaw tlak cu an phorh suak thei zo nan mawṭaw totu mi 3 pawl ih ruak an hmu thei hrih lo.

“Ni 3 nak a si thlang nan miruak kan hmu thei lo. Mawṭaw cu tuizaan nazi 7 hrawngah kan phorh thei zo nan ruak khat hman a tel lo” tiah miruak hawltu mipakhat in Kachinwaves hnen ah a sim.

Naute telin mawṭaw totu hi mi 3 an si ih, June 9 ah naute kakuaisii an dawt hnu, an tlunglam ah vanduainak an tong mi a si.

Khawmi pakhat in “an mawṭaw break a siat ih thla 2 mi naute le a nu le pa cu ti sung ah mawṭaw thawn an tla cih. An zaten suah ti an nei lo ih an thi ti`n kan pom”.

“Tidai a nawi ih ciarbek a tam tikah hawl a har zet. Mawṭaw cu an phorh thei zo nan an ruak pawl a tel lo. Tuni in ni 3 nak a si thlang ih hawl peh an tum” tiah a ti.

Leave a Reply

Your email address will not be published. Required fields are marked *