Tidai hmanding neilo mipi an tam lai ah ralhraang pawl in Lamziin kholh nakah Gallon ting 1 luan hmang cem men

Yangon : North Dagon veng ṭhenkhat ah tidai hmanding neilo ruangih harsatnak tongtu mipi an tam lai ah SAC ralhraang cun lamziinkholhnak hrangah nikhat ah tidai Gallon 120000 luan an hmang cem men a si.

Cumicu, tidai hmangzat report cipciar dongtu Burma VJ in internet cahmai ah a pholang ih, “Mipi in SAC ralhraang an huat zia an thei ciang ruangah mawhthluk tong phangin zaan lai ah lamziin an kholh ciamco” tiah vengsungum mipakhat relmi cu an tarlang cih.

Cuvek cangvaihnak cu CE ralbawi Myint Zar Than thusuahnak thawn, tuahlo theih loin cozah hnaṭuan pawl an tuahter tiah theih a si.

Tubai hrawngin Yangon hmun ṭhenkhat ah tidai bill pe dingih norawknak a um ih, North Dagon veng ṭhenkhat ah tidai hman ding a um lo ruangah hmanmen ding hrangah iin-ti leicawp a ṭul ti`n vengsungum mipakhat cun a rel.

“Tubai hrawngin tidai a ra nawn lo ruangah rawlsuannak hrang siseh, thilsawpnak hrang tiang inn-ti kan lei ih kan hmang. Tidai a ra lo nan Tii bill pek dingih nawrawknak a um” tiah North Dagon vengmi mipakhat cun a rel.

Leave a Reply

Your email address will not be published. Required fields are marked *