Thu puut darh ruangah Kalay – PDF hruaitu kaihkhih tuar

Innsang thupoimawh ruangah inn ih tlung lawktu Kalay PDF tatyin pakhat hruaitu U Sai Ye Zet cu February 2 zaan khawthim hrawngah a inn ah luhcilhin ralhraang in an kai.

An inn hi ziinpikap siloin kawmker ih ummi a si nan, kiangkap sut hran loin inn a um lai fangah ralhraang in an luhcilh dan ah Dalan thupeknak ruangah a si ding tiah ruah a si.

Ralhraang SAC ralkap pawl cun U Sai Ye Zet an kai hlei ah taksazeng damlonak neitu a pa khal nasaten an thawi tiah theih a si.

U Sai Ye Zet kaihkhih thu thawn pehparin SAC ralhraang in a phone an lak sak cih ruangah social media hmangin amah thawn pehtlaihawtu hmuahhmuah cu ralring deuh ih um cio dingin thuthanawknak a um.