Thinphang Lungmol in Ralhraang SAC ralkap pawl mah le mah kap that aw pang

Mon ramkulh, Kyaikto peng ah ralhraang SAC ralkap pawl mah le mah an kapaw pang ih amalbik mi 2 an thi hlei ah hriam tuar tamzet an um.

February 4 ah Bago ihsin Thaton lam pantu SAC ralhraang mawṭawtlar cu KNLA le hriamkai ṭangrual pawl in lamlak ihsin an rak kap ih mithi le hriam tuar an um baakah hman theih lo ding khawpin ralhraang mawṭaw 2 a siat.

Ralhraang SAC ralkap pawl cu thinphangin dung an siip ih, dunglam ih ralhraang mawṭawtlar dang pawl cun ral ah ruatin an rak kap tiah KNLA ṭuanvonei mipakhat cun a rel.

“Hnih lamlam a suak. Thinphang ah an Lung molh thluh si ding. Lamlak ihsin kan rak kap ih thinphangin dung an siip. Ziintluan ih ralhraang mawṭawtlar dang pawl cun ral ah ruatin an rak kap. Dungsiip pawl lala khalin thinphangin an kap ve. Mah le mah an kapaw ih amalbik mithi 2 an um. Hriam tuar khal an um” tiah KNLA ṭuanvonei mipakhat cun a rel.

Doawknak ah KNLA tatyin 3 le hriamkai ṭangrual pawl an tel ih mipi lamṭang ralkap lam ah hriam tuar le khawngaw an um lo thu, KNU in February 7 ah thu an suah a si.

Leave a Reply

Your email address will not be published. Required fields are marked *