Thawnginn thuṭhenzung ihsin an suak ciah ah Lawyer 3 an kai

Mandalay ah ramsung buainak thawn pehparmi Thawngtlak pawl buaipitu Lawyer 3 pawl cu June 29 ah ralhraang ralkap pawl in rinlopin an kai.

Mandalay, Oebo (အိုးဘို) Thawnginn thuṭhenzung ihsin an suak ciah ah ralhraang ralkap pawl in rinlopin an kai ti`n an mah thawn naivaitu Lawyer hnen ihsin thuthang a suak.

“Kaih tuar pawl cu U Tuhṭah, U Tin win Aung le Daw TeeSuuNaing tipawl an si. Inn leng suaknak sangka thlen hlan deuh ah an kai. Ziangruangah an kai ti cu kan thei fiang lo” tiah amahcun a rel.

Kan dung April 27 khalah ralhraang kaih tuar Mandalay vuankyi hlun Dr. Zaw Myint Aung le NLD sungtel pawl buaipitu Lawyer Daw YuatNuAung cu Oebo Thawnginn ihsin inn a tlung lam ah ralhraang ralkap pawl in an kai ih pukmah 50 (ည) thawn thubuai an tuah sak.

Pukmah 50 (ည) cu kum 10 ihsin damsung Thawngthlak theihnak phungdaan a si.

Kan ram a buai hnu, Mandalay ramṭhen ah ralhraang ralkap in Lawyer 10 lenglo an kai zo ih, mitamsawn cu Pukmah 50 (ည) thawn thubuai an tuah sak tiah theih a si.

Leave a Reply

Your email address will not be published. Required fields are marked *