Shan ralkap cu ralhraang SAC ralkap thawn an dang aw lo tiah soisel hlawh

Ralhraang SAC ralkap bangin Shan ralkap (RCSS/SSA) pawl cun Leiphum bomb an kammi a pal ngahtu caw` neitu pawl cu bomb man an cawh saal ruangah soisel an hlawh zet.

September 14 ihsin MaingKaing peng ah RCSS le SSPP an do aw ih leiphum bomb an hmang nasa ruangah kiangkap khua ih caw tamzet an thi phah tiah khuami pakhat cun a rel.

“September ihsin tuini tiang Caw le Naa 40 hrawng an thi zo. Kan ṭilva kan sung hlei ah bomb man in cawh. Hringhroawknak a um bet tikah khuami pawl in thuhla zianghman an rel ngam lo” tiah khuami pakhat cun a rel.

Caw, Naa neitu pawl bomb man an cawh hlei ah cuih thu nan ti darh pang cun ṭilva neitu le Khuanu/pa pawl in an tuar ding tiah Shan ralkap RCSS pawl cun khuami pawl an hringhro bet tiah theih a si.

Hih thu thawn pehpar in Lashio hrambun SPM News Agency in RCSS ṭuanvoneitu a pehtlaih nan thuhla zianghman an let lo.

Leave a Reply

Your email address will not be published. Required fields are marked *