Sekan mithi inn ih kaihkhih tuar pawl thuhla theih cin

Kalay peng, Sekan khua ih mithi topitu mipum 50 lenglo cu Ralhraang SAC ralkap pawl in April 9 zaanlam nazi 2 hrawngah thuhla zianghman um hran loin an kai.

Cupawlcu zaanlam nazi 6 hrawngah an thlah saal nan hrenkhihmi mino 4 hrawng an nei tiah theih a si.

Khawmi pakhat cun “sun hrawngah SAC ralkap pawl khawsung ah an lut ih meithal an hmet puak ciamco. Hriamkai dang thawn an kapaw maw ti cu innleng kan suak ngam lo tikah kan thei ciang lo”.

“Mithi topitu 50 lenglo an kai nan zaanlam ah an thlah saal. Hremawknak tivek a um hran lo nan mino 4 hrawng ralkap pawl kut ah an um ti`n kan thei” a ti.

Ralhraang SAC ralkap in April 9 ah Sekan lam hoih in phukpi voi 10 hnakih mal lo an kap tiah theih a si ih tualsungum į¹­henkhat cun biakinn le inn į¹­henkhat a siat hlei ah hriam tuar pakhat a um ti`n an sim.

Ralhraang pawl Sekan khua an lut hnu ah dawr le inn bohmi an nei tiah tualsungum pawl in an rel ih, mi inn ah lutin kaihkhihmi an nei ti a si nan thuhla felfai theih a si hrih lo.

Atufang hi Kalay sehvel boruak a sosang ruangah Kalay-Gangaw ziinpi cu April 9 ihsin thok PDF in zarh khat sung an phit tiah thuthang kan ngah.

Leave a Reply

Your email address will not be published. Required fields are marked *