Sagaing ram ah SAC Raldo Vanzam a tlak

SAC ralhraang raldonak vanzam cu tuizing February 16 zinglam nazi 10 hrawngah a tlak thu, SAC ralhraang lamin thu an suah.

Cuih vanzam cu raldodan zirin a zam suak ih zinglam nazi 10:43 hrawngin pehtlaih theih loin a um ih, Vanzam dang thawn an hawl nakah a tlak siat mi an hmusuak saal a si.

Atlaknak hi Sagaing ramṭhem, North Ohntaw khua kiangah a si ih, ceet lam ciangkuanglo ruangih tlak mi sivekin an rel.

Vanzam mawngtu hi mipakhat sivekin tarlang a si ih, ralhraang SAC ralkap in vanzam tlaknak kiangkap ah an hawl nasa tiah theih a si.

Ralhraang lam cun vanzam mawngtu ziangvek dinhmun a si timicu an tarlang lo nan atlaknak kiangkap ih khawmi pawl cun miruak pakhat an sar tiah an rel a si.

Vanzam tlak mi an hawl lai video tawi ………….