Sagaing ramṭhen ah Khua bawi tel in mipahnih Lu an tan sak

Sagaing ramṭhen, YinMarPin peng, Pale myone, HlawKagyi khua ih Khuabawi le mi pakhat cu September 8 ah zo an si ti theih lomi mibur in an hngawng an tan sak tiah theih a si.

That tuar mipahnih cu Pale myo, Pyusawhti hotui` dungthlun kum 45 mi U Mg Soe le U Mg Toe (kum 60) an si tiah khua mi pawl in an rel.

U Mg Soe cu CDM tuahtu cozah hnaṭuan pawl langhngan rorin a hringhro ṭheu ruangah that a tuar mi a si ih kum 60 mi U Mg Toe cu ziang ruangah an that ti kan thei lo tiah khuami pakhat cun a rel.

“Zianglam ah an hruai ih sun hrawng ah kan khua Lilawn kiang ah an Lu tan bul mi an thlai” tiah khuami cun a rel.

Pale myone sungih SAC ralhraang zualko ṭheutu Pyusawhti sungtel tiih ruahmi minung 20 lenglo cu mipi phat san in ralhraang duh zawng nan tuah ringring cun nan sungte humhimnak hrang ṭuanvo kan la thei lo tiah Dalan thianfaitu pawlkom in ralrinnak an pe a si. (DVB)

Leave a Reply

Your email address will not be published. Required fields are marked *