Sagaing doawknak ah PDF mino 10 hnak ih mal lo Nunnak Liam

Tuni, February 17, Sagaing ramṭhen, Khin-U peng, Kangyikone khua kiang doawknak ah PDF lam nunnak liam 12 hnak ih mal lo an um tiah theih a si.

“Sun nazi 2 hrawngah Khin U-Ye U ziinpi le Kangyikone karlak mualpi ah SAC ralhraang le PDF ralkap an kapaw ih meithal ralthuam thlauawtuk ruangah le mipum zawngin PDF ralkap an mal ruangah PDF lam mithi 12 hnak ih mal lo an um” tiah khawmi hnen ihsin thuthang dongtu MFP cun a tarlang.

Biakpawhnak remcanlo ruangah mithi um zat le an thuhla cipciar theih a si hrih lo nan doawknak ah tlawngkailai PDF mino an tam tiah MFP cun a tarlang.

Doawknak ih nunnak liam pawl lak ah Shwebo phunsang tlawng kai lai Mg Zaw Hlaing Moe a telve tiah ရွှေဘိုတက္ကသိုလ် ဘူမိဗေဒ မိသားစု in thu an suah ve ih nunnak liam innsang rualin an riahsia thu le upatnak sangbik an pe thu, thusuahmi ah an ngan tel.

Doawk thu thawn pehpar in atu ca kan ngan tiangah PDF lam in mipi theihternak an nei hrih lo nan, SAC ralhraang cun kut tuah meithal 25 telin hriamhrei dangdang le cerek ṭhenkhat an la ngah tiah thu an suah a si.

Leave a Reply

Your email address will not be published. Required fields are marked *