SAC-ralhraangbawi Min Aung Hlaing rak nuai tumtu PUTAO PDF

SAC ralhraangbawi Min Aung Hlaing cu tuzarh sung lole October thla thok ah Kachin ram, Puta-O lam ah a tlawng tum saal tiah thuthang a suak ih thu a darh hnu a nikhatnak ah PDF Puta-O cun rak do neknek dingin timlamnak kan nei zo tiah thu an suah ve.

“Ramsung mipi ih rak ruat cia vekin kan nih PUTAO PDF cun ralhraang ukhruainak hnukthlak dingah timlamnak kan rak nei zo” tiah PDF PUTAO Fb cahmai ah an tarlang a si.

Siarbet : Kachin ram ah va tlawng` hramhram tum saal tu Min Aung Hlaing

Kachin ram ah va tlawng` hramhram tum saal tu Min Aung Hlaing

Kan dung zarh lam ih Kachin ram tlawngtu SAC ralhraangbawi Min Aung Hlaing cu feh an ṭhulh nak Puta-O myone lam pan in September thlacem lam ah a tlawng saal tum tiah theih a si.

NBung Dat Kasa – Kachin Multimedia in Min Aung Hlaing thawn naivaitu hnen ihsin thuthang kan dong tiah an tarlang ih Puta-O, Naungmon le Kawnglanghpu khua ih pyituhsit (ပြည်သူ့စစ်) le khuanu/pa pawl a tong ding tiah an ngan.

Siarbet : Puta-O lam ah Min Aung Hlaing a va tlawng lan lo nak san “Thudik”

Puta-O lam ah Min Aung Hlaing a va tlawng lan lo nak san “Thudik”

Kan dung zarhte/zarhpi lam ih Min Aung Hlaing Kachin ram a tlawng ṭum ah BGF hruaitu pawl thawn khal tongaw an tum tiah thu a suak.

Myitkyina an thleng ah Kachin mino pawl in an ram suahsan dingin duhphorhnak nasaten an rak neih san.

Myitkyina an thlen ni ah Puta-O myone lam ah lan bet an tum thu an suah ih, ramsung PDF in Puta-O myone lam feh tlang` ter lo dingin thu an rak suah ve.

Cuhnu reilote ah SAC ralhraang cun Puta-O lam feh an ṭhulh thu an suah ih Lashio le hmun dangdang ah an tlawng pehzom.

Puta-O tlawn an ṭhulh thu thawn pehpar in ralhraangbawi Zaw Min Tun cun hitin a rel.

“Puta-O a feh lo nak san cu mi pawl relvekin a ṭih ruangah a feh lo mi a si hrimhrim lo. Lamziin an phit a si khal le, atuvek lamziin bingbo lakah vanzam thawn khualtlawng sukso tlangpi a si tikah phan ding ziang hman a um lo.”

“Thlatang lam kan pan thlang ih, Puta-O boruak le a dai tuk tikah harhdamnak hrang ruatin a va tlawng lo hrim mi a si” tiah ralhraangbawi Zaw Min Tun in a ti.

Asinan Zaw Min Tun ih relmi le Myitkyina khuami pawl ih sim mi cu a dang verver.
“Puta-O sim lo Myitkyina hman ah an buai tuk zo. Lamziin thianfai dingin hmailam ih mawṭaw an feh termi pawl cu khuasung PDF in an rak kap ih an lung hmuah a mit thluh. Cun, Puta-O ziin cu KIA pawl in an phit tiah kan thei. Lamziin ihsin an rak do ding phang ah an feh ngam lo mi a si” tiah khuami pakhat cun a rel.

Puta-O ah ralhraang lam ṭangtu mimalte lawng an um tiah theih a si ih SAC ralhraang in ပြည်သူ့စစ် kaituding hmin cazin an lak lai khalah hminpetu zohman an um lo tiah theih a si.

Leave a Reply

Your email address will not be published. Required fields are marked *