PDF in Bomb thawn Ziinan Pipeline an puah siat

July 27 zaan nazi 8 hrawngah Mon ramkulh, Thaton (သထုံ) peng, Sakhangyi khua kiang ih SAC ralhraang gas pipeline cu Mon PDF pawl in bomb thawn an puah siat tiah thuthang a suak nan kiangkap khua pawl cun ziinan pipeline sawn a si tiah an sim fiang.

Kan ram boruak thawn ziangtik ah ral a tho ding, ziangtin kan him thei ding tiah ruatin donhar ih um rerotu Sakhangyi khua kiangkap pawl cu zaan lai ih ziinan pipeline puak mi cun a lau ter hai ih ralbuai ah ruatin a zaanzaan rorin Inn le Lo suah san ih beunak hawl tu khal an um tiah khuami pakhat in Shan hrambun media hnen ah a rel.

Amah cun “Zaan nazi 9 hrawngah puak kuai thawm ring zet a suak ih thil rim sia zet khuasung ah a naam thluh. Ralbuai ah ruatin beunak hawltu an um ih a tangta pawl khal thinphang in ṭhiṭhaten kan it thei lo. ”

“Zing khuavang ah kan va zoh cu ziinan pipeline puakmi a rak si. A rim a sia zetih lamziin pawl khal ziinan rong a kai thluh. Apuak dan hi mahte puakkuai menmi cu a si lo ding. Miṭhen cun PDF pawl cangvaihnak a si tiah an rel” a ti.

Himi pipeline thu ah internet cahmai ahcun Thailand ram ih va lut mi SAC ralhraang gas pipeline si in le bomb thawn puahsiattu hi Mon – PDF si in an tarlang nan himi ca kan ngan tiangah SAC ralhraang siseh, PDF lam khalin thusuahnak zianghman an nei lo tiah kan thei.

Leave a Reply

Your email address will not be published. Required fields are marked *