SAC ralhraang mawṭaw 2 cu Bomb 9 thawn an rak nuai

Sagaing ramṭhen, Monywa peng, Chaung-U ramsung ih SAC ralhraang mawṭaw 2 cu lamlak ihsin hriamkaibu pawlkom 2 in an rak nuai ih ralhraang amalbik 6 an thi tiah CHU-PDF (Chaung-U) in tuini september 23 ah thu an suah.

မုံရွာ-သံမဏိ hriamkaibu/mipihumtu hohanak in cangvaihnak an nei mi a si ih Mandalay-Monywa ziinpi ih SAC ralhraang mawṭaw 2 cu bomb 9 thawn an rak puah.

“မုံရွာ-သံမဏိ hotu pakhat a simi ခွန်ဆာ kaihruainak in kan cangvai ih tuizing nazi 8 kim zik hrawngah lamlak ihsin ralhraang mawṭaw 2 kan rak do” tiah CHU-PDF ṭuanvonei mipakhat in Mizzama hnen ah a sim.

Ralhraang mawṭaw 2 cu a kehlam a siat deuh thaw thluh ih bomb a puak hnu reilote ah minaphur mawṭaw tamzet a ra thleng tiah a mah cun a rel bet hrih.

Cumicu CHU-PDF thusuahmi khalah an ngan tel ih, bomb a puak veten ralhraang pawl in tongpakap in meithal an kap ciamco nan PDF lam ah hriam tuar le khawngaw um lo ten dung kan kir thei saal tiah မုံရွာ-သံမဏိ ih ṭuanvonei mipakhat in a rel ve.

**zuk remcang hman menmi a si

Leave a Reply

Your email address will not be published. Required fields are marked *