SAC ralhraang in Phuy Ze Ya Taw sual an puh mi pawl cu a rapthlak tuk

Awnmawi khawvel ihsin ramkhelnak lam ih pumpeawtu NLD palai Phuy Ze Ya Taw kaihkhih a si hnu ah a kaitu SAC ralhraang pawl cun amah thawn pehpar mi tiih tarlangmi ramsung thubuai a um mi hmuahhmuah an pholang.

Tubaite, Yangon khuasung ih kahthatawknak telin venglal, USDP party sungtel le Dalan tiih puhmi kahthatawnak voi 15 a um mi cu Phuy Ze Ya Taw ih meithal tawlrel sakmi thawn an cangvai tiah ralhraang pawl cun an puh ih “an that dingmi le cangvaih dan ding thawn milaw in meithal hriamhrei pawl a suahsak” tiah thu an suah.

Cumicu, amah Phuy Ze Ya Taw thusutnak thawngin kan theisuak a si tiah Ralhraang SAC ralkap cozah cun thu an suah ih “May thlalai hrawngih Lanmadaw Township venglal kapthatu Special Task Force – STF cu Phuy Ze Ya Taw in meithal a pek hai” tiah an tarlang.

Yangon khuasung cangvaihnak picang deuh pawl cu Phuy Ze Ya Taw hohami cangvaihnak sivekin tarlang a si ih “kan dung November thlathok khalah Mytel GM U Thine Aung kapthat dingin YFA sungtel hnen ah meithal a pe. Cuih ṭum ih mithattu mi 4 pawl cu kan kai thei zo” tiah thusuahmi ah an ngan tel.

Cuihtlunah “Phuy Ze Ya Taw hriamhrei pekmi hmangin khuasung cangvaihnak a neitu mipa 34, numi 5 zatekom mipum 39 pawl cu hriamhrei fate 21, cerek thunnak bawm phunphun 50, 1465 cerek phunphun, bomb phunphun 57, meithalzian phut bawm 7, turbin 1 le drone 1 pawl thawn kan kai cih ih kaihngah hrihlomi pawl khal an keneh zawtin kai thei lohli dingin hmalaknak kan nei rero” tiah an tarlang.

SAC ralhraang thusuah:
Mg Kyaw tiih kohmi ဖြိုးဇေယျာသော် cu 2020 rampi hrilawknak ah NLD palai dinhmun in zuamvetu a si lo. 2021, February thlathok ihsin Yangon lamzawh duhphorhnak pawl ah hmai hruaitu a si hlei ah NUG ih ဦးရည်မွန်၊ ဒေါက်တာဇော်ဝေစိုး၊ ဦးလွင်ကိုလတ် te thawn an pehtlaiaw ih Yangon pengṭhen hruaitu dinhmun in Special Task Force- STF le People Defence Force – PDF thawn a hraang zawng cangvaihnak an tuah ringring.

Acid rapper sungtel rak si dahtu, atui` NLD palai Phuy Ze Ya Taw cu vengsung Dalan ruangah ralhraang pawl in a umnak an thei tiah thuthang a suak nan, SAC thawn naivaitu mipakhat cun a hnen ih meithal hmangtu ralkap kiahtuar pawl in an phung ruangah a umnak an theimi a si tiah a ti.

Leave a Reply

Your email address will not be published. Required fields are marked *