SAC ralkap 50 hrawngin KNU/KNLA kut ah an apaw

2021 February ihsin December tiangah KNU/KNLA tatmaha 5 ih koptu SAC ralkap 47 an um zo thu theih a si.

Cupawlcu KNU lamin ṭhazetin an finkhawi hlei ah an hnen ih ṭanglan duhtu siseh, inn lam tlung duhtu pawl khal thei tawk suahin an duh an thlun thu, KNU/KNLA tatmaha 5 ih ralbawi SawMuuHea in a rel.

Amahcun “Leitlun ralkap phung daan thlunin kan hnen ih in ra pantu SAC ralkap pawl cu sangka kaupi kan ong sak a si.”

“Cumicu hriamkaibu pakhat ih thlun dingmi a si ih in ra pantu cu kan lam a ṭang duh khal asile kan cohlang. Inn lam a tlung duh khalle theitawk suahin kan tawlrel sak. Cuvekin tatmaha 5 hmunram ah a ratu SAC ralkap 50 kim zik an um zo” tiah a ti.

Kan ram a buai hnu, SAC rahraang lungputdik hmufiang ruangih tatmadaw suahsantu ralkap an tamzet zo ih, cuvek pawl cu NUG cozah khalin sangka kaupi a ong sak ih, rampumhuap hriamkai pawl khalin paisa pek tiangin an cohlang ding thu, thlangthannak an nei ṭheu a si.

Leave a Reply

Your email address will not be published. Required fields are marked *