SAC ralhraang thawn remdaihnak tuah tumtu hriamkaibu pawl Official in phuang zo

Ralhraang SAC cozah in remdaihnak hrang thurel a sawmmi Tlangpar hriamkai lakah pawlkom 10 pawl in sawmnak an cohlang thu, ralhraang lam in an nemhnget zo.

Tlangpar hriamkai pawlkom 10 pawl ah ralhraang ralkap thawn kahdocolh hminkhennak tuah zotu pawlkom 7 le tuah hrih lo pawlkom 3 an tel.

SAC thuphuangtu Zaw Zaw Min Tun nemhngetmi ralhraang sawmnak cohlangtu (NCA) pawl cu DKBA (Democratic Karen Benevolent Army), KNU-NLA/PC (Karen National Union/Liberation Army – Peace Council), PNLO (Pa-Oo National Liberation Organization), NMSP (New Mon State Party), ALP (Arakan Liberation Party), RCSS (Restoration Shan State Council), LDU (Lahu Democratic Union) le (non-NCA) UWSA (United Wa State Army), NDAA (National Democratic Alliance Army – Manglar), SSPP (Shan State Progress Party) tipawl an si.

2022, April 22 ah ralhraangbawi Min Aung Hlaing in remdaihnak hrang thureltlang dingin Tlangpar hriamkai ṭhenkhat a sawm hai ih CNF, KIA le KNU telin pawlkom ṭhenkhat cun a tel cin ding hmuahhmuah sawm tel an si lo ruangah sawmnak kan cohlang theilo ti`n thu an suah zo a si.

Leave a Reply

Your email address will not be published. Required fields are marked *