SAC ralhraang pawl mah le mah Bomb an ti puakaw ngah pang

Pengṭhen SAC ralhraangbawi pawl ih sunloihnak tiang rak co bantu SAC ralhraang pawl ih innsangnu pawl cun October 17 ah an pasal le pawl ih bomb kam mi pal ngah pang in a puak kuai ih mithi 3 le hriam tuar 2 an um tiah theih a si.

Kachin ramṭhen, Waimaw peng ih thilthleng a si ih tatyin ခလရ 58 ih ralhraang nupi pawl cun an pasal pawl ih duum tuahmi an haal lai ah bomb an pal ngah pang mi a si.

Ralkap Sakhaan naivai ih umtu khuami pakhat cun “An sakhaan kiangih hmuan fate an haal ih an pasal ralhraang pawl ih kam mi bomb an pal ngah. Mi 3 an thi ih hriam tuar besianawn 2 cu ralkap siizung ah an tlanpi” a ti.

Kachin ramṭhen, Waimaw peng ih umhmun khuartu tatyin ခလရ 58 ralhraang pawl in meithal duhduh in an kap ruangah Khuami hrekkhat an thi ih ralhraang umnak naivai ih khuami pawl cu hramlak ah an tlan deuh thaw thluh tiah Kachin hrambun KT`s thuthang in a tarlang.

Leave a Reply

Your email address will not be published. Required fields are marked *