SAC Ralhraang pawl ih paisa thar suah ve cu a rong a malh thei

SAC ralhraang kutsung ih um Central bank ih thawng 10 ca suah thar mi ṭhenkhat cu a rong a malh thei tiah a hmangtu pawl ih simnak thawng in theih a si.

Ralhraang pawl in kumpi cozah thuneihnak an la hnu, sumsaw harsa ruangih an rial tharmi thawng 10 sung ihsin rong tla thei ṭhenkhat an hmu mi a si.

Paisa rial thar cu tuhlan netabik ṭum ih an suahmi sendup-apol pianrong deuh quality ṭhacii siloin tuhlan ta quality niam deuh an rak suah dah mi vek an rial saal mi a si.

“Thilzuar thawn ka buai deuh ruangah bank ihsin suah thar mi paisa thar pawl cu pakhat khatten ka zoh fel man lo.”

“Atu ah hmang tum in paisa tom ka phelh cu a rong malh mi ṭhenkhat an um. Alem ah ka ruat lawk ih ṭhaten ka zoh fel cu a tak a si ko fawn. Paisa thar rori ih rong malh thei tivek cu khawi ah ka heih ding tikhal ka thei lo” tiah hmin tarlang duhlotu sumdawng pakhat cun a rel.

Leave a Reply

Your email address will not be published. Required fields are marked *