SAC Ralhraang in Wesley Siizungpi ih hmuhaw tumtu mina 2 an kai

Kalaymyo : Tuni, March 23, zinglam nazi 11 luan hrawngah SAC ralhraang in Wesley Siizung ih hmuhaw tumtu mi 2 an kai tiah theih a si.

“Ralhraang SAC ralkap 8 in Wesley Siizung ih tuamhlawmawk tumtu mina 2 cu thusutnak zianghman nei hruthran loin an kai khih” tiah tualsungum pawl in an rel.

Cuhleiah Siizung ih hnaṭuan pawl an hringhro nasa ih, mi hawl mi nei bangin room ṭhenkhat ah an lut an suak tiah theih a si.

Siizung thawn naivaitu mipakhat cun “thuhla dong mi nei vek khi an bang. Khaan ṭhenkhat ah an lut suak ih, Siizung ih hmuhaw tumtu mina 2 an kai ti`n kan thei” a ti.

Cuitlunah ralhraang pawl cun khawsung hmun ṭhenkhat ah mi hawl mi nei bangin an vak ih, lamziin kiangkap ih um miṭhenkhat khal thusutnak an nei ih, an taksa tiang an dap sak tiah theih a si.

Ralhraang kaihkhih tuar mi 2 cu zo pawl an si ih khawi hmun ah an hruai tivek cu thuthang felfai a suak hrih lo.

Leave a Reply

Your email address will not be published. Required fields are marked *