SAC ralhraang in voilekhatin KNU hmunram a nor ciamco nak san

Tuhrawng, SAC ralhraang in ralkap thazaang tamzet hmangin KNU hmunram ṭhenkhat voilekhatah a nor ciamco nak san cu KNU le PDF a kuaiter duh ruangah a si tiah KNU ṭuanvonei P`doh Saw Taw Nee in a rel.

An ṭhekaw a si le PDF a hranten an ding khawsuak thei lo ding hlei ah hmundang ramdang PDF pawl thawn an pehzomaw thei lo ding ti`n an ruat tiah P`doh Saw Taw Nee in a ti.

“Cule, pakhat cu, ralkap thazang tampi thawn kan nor cun raltlan mipi an tam dingih a netnak ah KNU in kahdocolh dingin in biak ding, ti`n Ke an kar tum in ka hmu” a ti.

SAC ralhraang in ralkap thazaang tampi thawn KNU hmunram a nor rualin remdaihnak hrang thu rel tlang dingin KNU kut a hlan ih, cuih thu thawn pehparin “cang thei lo dingin ziinkong in phit tum. Cutin kan tuah a si le daiten an um ding ti`n an ruat. Nan, kan nih KNU cun ralhraang hnukthlak thei hlan sung hmai kan nor ding” taih P`doh Saw Taw Nee cun a rel.

Tufanghi, SAC ralhraang in KNU tatmaha 6 hmunram pawl cu thazaang tamzet hmangin a nor laifang a si ih boruak a sosang deuh ruangah KNU in ziinpi ṭhenkhat an phit sung.

Kan dung baite khalah KNU le hriamkai ṭangrual pawl cun an hmunram nortu SAC ralhraang pawl cu rinlopin an siim ih meithal ralthuam tamzet an lak sak hlei ah ralhraang ṭhenkhat cu nungdam in an kai tiah theih a si.

Leave a Reply

Your email address will not be published. Required fields are marked *