Ralhraang SAC ralkap pawl in Sagaing PDF sakhaan luhcilh saal

Sagaing ramṭhen, Monywa peng, Palin khua kiang ih PDF sakhaanṭhen 205 cu SAC ralhraang 30 hrawngin tuizing November 23 zinglam nazi 5 hrangah an luhcilh tiah theih a si.

Mawṭaw 10 hrawng le bulldozer thawn an luhcilh ih kuttuah bomb suahnak le hriamhrei ralthuam retnak inn an khaang sak hlei ah kiangkap khuami 3 an kai tiah PDF sungtel pakhat in MN hnen ah sim.

“Kan mah hman kan luat man fangfang. Rinlopin zingpit ah an ra tikah thuamhnaw hruk man caan khal kan nei man lo. Bomb tuahnak khal kan sung thluh. Kan mawṭaw cycle khal in lak sak thluh” tiah PDF sungtel cun a ti.

Khuasung nisuahnak lam ah minute 20 hrawng meithal an hmetpuak. Meithal hriamtuar khuami pakhat a um. Kan thilri ret nak pawl in siatsak hlei ah kanmah thawn ṭangrual hriamkaibu pawl ih thilri khal an urkang tel cih tiah mah cun a rel bet.

PDF sungtel cun Sakhaan luhcilh an tuar thu Myanmar Now hnen ah a nemhnget ih an lak ah kaih tuar an um lo thu le ziangvek dinhmun an thlen khal le ralhraang pawl an do let ding thu a rel.

Kaihkhih tuar mi 3 cu Palin khuami an si ih kaihkhih tuar dang an um bet le bet lo cu thu kan sut mi khuami in a thei ciang lo tiah Myanmar Now cun a tarlang.

Leave a Reply

Your email address will not be published. Required fields are marked *