SAC ralhraang in GPS thlun in Hriamkai pawl ralthuam retnak hmun 2 luhcilh

Yangon, South Okkalapa le North Dagon ih hriamkai ṭangrual pawl ralthuam retnak cu GPS hmangin ralhraang SAC ralkap pawl in an luhcilh tiah hraimkai pawl relmi cu Lu Nge Khit in a tarlang.

Ahlan ahcun kaih tuar PDF pawl phone biak terin an rualpi hriamkai pawl an phorh suak nan, atu ahcun technology hmangin ralhraang pawl cangvai dan an thleng thlang ti a si.

“Mi theih lo ih a thup thiar ih mi an kai mi pawl cu meithal ralthuam pekin an cangvaiter. Ralthuam pawl ah GPS an bun ih, cumi hnungzulin khawsung ih cangvaitu mipi ralkap ralthuam retnak an luh cilh” tiah Khawsung cangvaihnak ih hruaitu pakhat cun a rel.

GPS hnungzul ih luhcilh mi South Okkalapa ihsin 40 mm bomb meithal 2, Kut den bomb le cerek ṭhenkhat telin mipakhat an kai.

North Dagon ralthuam retnak ihsin meithal dangdang le nunau pakhat telin mipathum an kai cih tiah Lu Nge Khit cun a tarlang.

Hih thu thawn pehparin ziangtik ih thilthleng a si ti an rel tello ih mipi ralkap pawl ralrin theinak dingah Yangon khuasung ih cangvaitu mipi lamṭang ralkap pawl ih tarlang mi a si tiah an ngan.

Leave a Reply

Your email address will not be published. Required fields are marked *