SAC ralhraang bawi amahten a Kap aw That

Thlanglam Shan ram, Linkhay District ih SAC ralhraangbawi pakhat cu July 15 zinglam nazi 6 hrawngah amahten a that aw ih, cuih thu cu ramkulh hrambun media in July 20 ah an pholang.

Amah hi Kunhing hrambun တပ်မ ခလရ( ၂၆၉) ih Bokyi a si ih hnaṭuan thawn pehpar in Shan ram le Thailand ramri Homein myo a thlen ah meithal thawn a kapaw that.

Homein khuami mipakhat cun “Ziang ruangah a thataw ti cu kan thei lo. Thinhar beidong ruangah khal a si thei. Amahten a kap thataw ticu nemhngetmi a si” a ti.

Amahcu Homein myone, NaaMonOn khua ih BP7 tat sung a um lai ah a kap that aw mi a si.

SAC ralhraang in kumpi cozah thuneihnak an la hnu, February 1 ihsin ralhraang ukhruainak duh lo ruangih ralkap tlan le Covid boruak thawn thin har in mahten thatawtu ralkap an um phahphah a si.

Leave a Reply

Your email address will not be published. Required fields are marked *