Ruahlopin ASEAN in SAC Ralhraang kuthnuai ih hnaṭuan meeting ah a sawm tel

Ni 3 sung tuah dingmi ASEAN hruaitu meeting ah Kawlram aiawh in SAC ralhraang kaihhruaimi Ministry of Foreign Affairs ih ṭuanvonei U Chan Aye (နိုင်ငံခြားရေးဝန်ကြီးဌာန ညွှန်ကြားရေးမှူးချုပ်) an sawm tiah theih a si.

October 26 ihsin tuah thok dingmi cuih meetinng ahcun ASEAN daan buartu SAC ralhraangbawi Min Aung Hlaing sawm loin ramkhelnak thawn pehparlotu midang kan sawm ding tiah ASEAN in thu an rak than dah zo.

ASEAN meeting ih an sawm mi U Chan Aye cu September 30 ih ASEAN Senior Officials’ Online Meeting an tuah ṭum khalih rak tel dahtu a si.

Meeting sawmawk thu cu ralhraang lam khalin an nemhnget zo nan an telpi ding maw dinglo ti cu theih fiang a si lo.

Cuihtlunah SAC ralhraang in meeting sawmtu ASEAN hnen khalah a tel ding maw dinglo thu a let hrih lo.

Leave a Reply

Your email address will not be published. Required fields are marked *