Rapthlakza Ralhraang SAC ralkap mi hrem dan phun 10

Ralhraang SAC ralkap in mipi lole mipi ralkap pawl an kai tikah nasazetin an hrem ṭheu ti cu a thu lawngin kan rak thei ṭheu.

Nan, atu ah, an kut ihsin luat suak saltu mi ṭhenkhat in atakih an hmuh ton mi le hrem an tuar dan pawl an relsuak saal cu a rapthlak tukih a ngai men hman a har.

Ralhraang SAC ralkap in mi hrem dan phunphun an nei ih hrem a tuar dahtu pawl relmi rapthlakza ralhraang mi hrem dan phun 10 pawl kan tarlang ding.

1. Mi Lu an bat

Mihremtu ah zo bul ti an um hran lo. A caan le abur in mi an thawi. A caan le mipakhat lawngin mi a hrem. Mi an hrem hlan ah zianghman hmu thei lo dingin puan thawn mi mit an ṭawn ih Thirfung, Thingtan, Rua, Thirhri, rubber ṭawn mi thingtan tivek thawn duhsahin mi an thawi.

Abikin mi Lu an bat ti a si ih kutthlaktu ralhraang pawl cun a caan le Thir kut hruh an bun tiah an sim. Vuakvelhnak hliam langlo dingin rubber thawn ṭawnmi thingtan thawn khal mi Lu an thawi.

Mi Lu kawng sakin kuak thawn an nawk ih, an Lu par khalah caan rei zet Vurkhal an ret sak ti a si.

2. Tisa an toih, Mi Ha an khiak/phong sak

Mi Ha an vuak kiak sak ih an Ka ah tisa an burh. A caan le a vuak in an vuak kiak ih a caan le plier thawn an phong sak.

Cuih mihrem dan cu abikin PDF tiih an rinhleh mi hremnak ah an hmang ti a si. Ṭhenkhat cu ukkhe thlaimi hri thawn an Ha an ṭawn sak ih caan rei zet cutin an um ter.

Thusut sangduhlotu cu an Kaa ah tisa an burh ṭheu ti a si ih, an thei duhmi an rel hlan lo, thi khal le a poi lo tiphunin mi an hrem.

3. Lingletin mi an thlai

Kut dunglam ah ṭawnin an Ke ihsin hridai thawn lingbalailet in an thlai.

Thawthawt harsa dingin plastic thawn an Lu an khuh ih lungmit dingin an taksa ruangpi an her ciamco. Himi hremnak cu khawi hmun khalah an hmang ih kan dungbai Yangon ih CDM tuahtu kaihkhih tuar pawl khal cutin an hrem ve.

4. Kutzung/Kezungcang an khiak sak

Kut/Kecangruh pawl an vuak kiak. Thusutnak le thuthei duh nei ruangah cutin mi an hrem mi a si hran lo.

Kandungbai khalah Yangon ih PDF ṭhenkhat an kai mi cu meithal kap thei nawn hlah hai seh ti`n an kutzung Kezung pawl an khiak sak ih kut le kezung kiak cu a thlai in an thlaiaw thluh. Cuhleiah plier thawn an Tin pawl an hik sak.

5. Cross par ah an hreng

Thing cross ah hri thawn an ṭawn bet ih nasaten an hrem hlei ah rawl le tidai pek loin ni 2 sung cutin an ret ta ih a thimi khal an um.

6. Naam thawn Vuun an hlep

Naamte fate hriam zetmi thawn mi Vuun an hlep. Abikin Kawng, Zaang, Awm, Pum, Kut, Kezaphak tipawl ah naam thawn an hlep serser ih spirit ciahmi patpar le puan tivek thawn caan reipi an tuam sak.

7. Palangkuai par ah khuk bilter

Palangkuai le Lung hriam tivek pungkhawmmi par ah khuk an bilter ih caan rei zet an um ter. Tuar thei loin a tlu tu khal an tam ti a si.

Kandungbai ih an kaihmi thuthang ngantu pakhat cu cutin an hrem hlei ah Vuur an pomter.

8. Mipa serh an Ur sak

“Nau pai ter thei lo dingin na cii kan lo mit sak ding” an ti ih mipa serh meisa thawn an ur sak. An sit an cuum sak. Taklawng in Vuur par ah an to ter.

9. Pawngsual

Nunau serh tham sak in kan lo pawngsual ding ti`n mi an hringhro ih pawngsualtuar khal an um.

10. Thawsam dingin an tuah

Vantau lole it terin an hmai ah puan an khuh ih, cangtheilo dingin an kai hnu ah an Kaa le Hnar zawn ah thawthawt har dingin le tihaak dingin tidai an toih.

Himi hremawknak cu tuarfeizet pawl khalin an celh lo. Ram dangdang palik le ralkap pawl khalin misual maktara hremnak ah an hmang ṭheu mi a si.

Zuk : Safe House zuknung ih cangtupa an hrem lai

Leave a Reply

Your email address will not be published. Required fields are marked *