Ralram ih thihhlohding phangah SAC ralkap 20 lenglo tlanhlo

Tanintharyi ramṭhen, Kawthoung peng, Khamakgyi hrambun စကခ – 20 hnuai ih um tatyin 7 ihsin ralkap 20 lenglo an tlanhlo tiah theih a si.

စကခ – 20 hnuai ah ခမရ 262/431/432/282/582/595/592/596/597 tipawl an um ih cumi ihsin tatyin 7 pawl ih ralkap pawl an tlanhlo mi a si.

“Ralram hmainor ṭih ah report pek loin an hlo. Atu doawknak ah SAC ralkap lam an tuar na tikah, thih ṭih ah an tlan hlo sibikding tiah ruah a si. Ralkaptlan pawl hawlin Kawthoung peng ah khawkhat hnu khawkhat an hawl vivo” tiah ralkap thawn naivaitu mipakhat in Ayeyarwaddy Times hnen ah a sim.

Ralkap pawl cu Christmas hlan ah an tlan zo nan an pu le pawl in thup thei bikin an hawl rero tiah amahcun a rel bet hrih ih “cumi tatyin sungin tuizarh ahkhan ralkap 70 hrawng raldo hmainor dingah an kuat zo” a ti.

စကခ – 20 hnuai ih um tatyin pawl hi, atu lay kay kaw doawknak ih an kuat tambikmi ralkap pawl an si ih doawknakih a thitu an tam hlei ah hriamhrei ralthuam thlakin KNU koptu SAC ralkap khal an tam tiah theih a si.

**Zuk hlun**

Leave a Reply

Your email address will not be published. Required fields are marked *