Ralkian dinhmun in an hloaw hnu ni 12 nakih tongaw saaltu Nufa hnih

Kan ram buainak ruangah Kawlram mipi tam zet cu ralkian dinhmun in an vavai ih hramlak le khuadang tlangdang ah beunak an hawl.

SAC ralhraang ṭih ah neihsun Inn le Lo suahsan in beunak hawltu khuami pawl lakah vansiat tongsintu khal an um ih miṭhen cu mikhua miram ah an nunnak tiang a cem ral.

Ṭhenkhat an si le thinphang hmanhmawh zetin Inn le Lo suahsan ṭul dinhmun a si ruangah fale tule pawl thawn hloaw khal an um.

Cuvekih sungkhat unau nu le pa thawn hloawtu nauhak pakhat le a nu an tongaw saal nak video tawi cun mipi lung a tham zet.

Video thlahtu ih simmivek a si le nauhakte le a nu hi ralkian dinhmun in an hloaw hnu ni 12 hnu ah an tongaw saal ti a si.

An mah hi Shan ramkulh, Mongkaung peng, Pang Kay Du khuami an si ih ramkulh sung doawknak ruangah ralkian dinhmun in an hloaw hnu ni 12 nakah an tong aw saal tiah theih a si.

Leave a Reply

Your email address will not be published. Required fields are marked *