Ralhraangbawi Min Aung Hlaing khual tlawng ding thu, sunglam thuthup a puut darh

PDF pawl thazaang cak zetih cangvainak Magway ram lam pan in ralhraangbawi Min Aung Hlaing cu February 9 ah a tlawng tum tiah sunglam thu a puut darh.

Thaisun, February 9 ah Magway myo ah tlawng in, cozah hnaṭuan pawl thawn hmuhtonnak an nei ding ti a si ih sunpadir nazi 1 hrawngah an tongaw ding ti`n thuthang a suak.

Magway TownHall ah tongaw ding an si ih, cuhnu ah biaknaklam thawn pehparin Shwesettaw lam ah a feh tum ti a si.

Ziangruangbikah a tlawng tum timi cu thu felfai a suak lo nan, SAC ralkap thawn naivaitu miṭhenkhat cun a kut thuai ih a milai pawl thazaang pek a tum tiah an rel.

Magway ram ah SAC ralhraang dotu hriamkai pawl cangvaihnak thawmvang theih ding a tam ih, cuih hmun doawknak pawl ah SAC ralhraang an tuar na tiah theih a si.

Magway hrambun thuthang ṭhenkhat ih tarlang mivek a si le ramkulhsung hmun thupi a si mi Gangaw District, Pauk myone le Myaing myone telin myone tamsawn ah SAC ralhraang ukhruainak a nung lo ih, PDF pawl an Lal sawn ti a si.

Leave a Reply

Your email address will not be published. Required fields are marked *