Ralhraangbawi Min Aung Hlaing in Tlangpar hriamkai hruaitu pawl a Leem lala
KNU, AA, CNA tipawl telin Tlangpar hriamkai tamsawn in ralhraang ralkap remdaihnak thurel sawmnak an el zo nan, ralhraang ralkap in ramsung remdaihnak thu reltlang dingah voihnihnak a sawm hai sal a si.
Rampi le mah le ram cio hlawknak hrang hmu thiam in remdaihnak thurel cohlang dingah June 14 ah ralhraang ralkap in atharin kut a hlan hai.
Hriamkai pawlkom hruaitu lole thuthluknak tuah theitu ṭuanvonei palai 2 fingfing hmin cazin pawl cu June 30 netabik ah retin theihternak nei cio dingah ralhraang in thu a than.
Ralhraangbawi Min Aung Hlaing in remdaihnak hrang boruak a hai lala
Ralhraang ralkap in April thla ah remdaihnak thu rel dingin voikhatnak a sawm hai zo ih, tel ding cin zaten sawm tel an si lo ruangah KNU, KIA, KNPP, CNF, ABSDF tipawl cun kan cohlang theilo ti`n thu an suah.
Cuih ṭum ah NCA tuahzotu pawlkom 7 le NCA tuah hrih lo pawlkom 3 pawl in ralhraang sawmnak an cohlang ti a si ih, tuni tiangah ralhraang thawn atakih tongaw zotu cu pawlkom 6 lawng an um lai tiah theih a si.
