Ralhraang pawl in Khuasung ah tongpakap ih meithal an kap ciamco cu mipakhat an kap that ngah

Mizaan August 26 zaan nazi 8 hrawngah Yangon ramṭhen, Mingalar Taung Nyunt Township, lamziin number 122 ah SAC ralhraang pawl in tongpakap in meithal an kap ciamco ih mipakhat a thi.

Vengsung mino pawl awring deuh in thukam an el aw ih ralhraang pawl in an mah camraim ah an ruat ruangah meithal voi tamzet an hmet puak ih Islam biaknak betu hmuk zuar U Ting Min Htun an kap that ngah tiah vengsung um pawl cun an sim.

“Zaan nazi 8 hrawng, mipi vaksuakso tamzet laifang a si ih meithal a puak ciamco cu thinphang in mah le rem ti nakah kan tlan. Inn dung Lamziin ah hmukzuar U Ting Min Htun an kap ngah. A hmun rori ah a thi cih ih a ruak cu ralhraang pawl in a la cih” tiah veng sung um mipakhat in a rel.

Inn tlun ihsin video an zuk mi online ah a darh ih video ahcun ralhraang ṭih in a rualrual ih mipi an tlan lai a lang.

SAC ralhraang pawl ih meithal kap ruangih hriam tuar khal an um nan kaihkhih phang ah le thubuai tuah sak ding an phang ruangah zohmanin an relsuak ngam lo tiah theih a si. (M9)

Leave a Reply

Your email address will not be published. Required fields are marked *