Ralhraang vuakvelhnak celh nawn lo in Putar pakhat a thi

Magway ramṭhen, Gangaw peng, NamKha khua ih kum 70 mi U KanṬhoh cu August 18 ih ralhraang pawl vuakvelhnak tuar nawn loin tuini August 21 ah a thi.

August 18 ah ralhraang pawl in NamKha khua an luhcilh ih khuami tamsawn cu beunak hawl in hramlak ah an relh.

Kum upa le cakvaklo pawl lawng khuasung ah an tang ih cupawl lakih telve U KanṬhoh cu ralhraang pawl in thusutnak nei in an vuak an thawi tiah khuami pawl in an rel.

“Kan nih cu hramlak ah kan tlan thluh. Khuasung ih tangta U KanṬhoh cu ruapum thawn an thawi, Kut Ke an thlak ih a taksa ṭhenkhat cu a durh. Theitawk in an tuamhlawm nan ṭhat lam a pan thei lo. A lung tur tlaniam thei loin a um ih tuisun ah in cem san” tiah khuami pakhat cun BBC hnen ah a sim.

Ralhraang pawl cun khuasung ih tangta lakah vuakvelhmi an nei hlei ah inn siatsakmi le thilri hlo mi a um tiah khuami pawl cun an rel a si.

Leave a Reply

Your email address will not be published. Required fields are marked *