Ralhraang ukhruainak dodal in Pacang pakhat mahten thataw
Ralhraang Ukhruainak dodal in Mandalay, Kyaukpadaung meisazung hmai ih datsii thawn urkaangawtu Ko Aung Aung cu a nat tuar lo in zaanlam hnu ah a nunnak a cem tiah theih a si.
“Zaanlam hnu ah a thi ih a ruak an phur tlung zo. Asungte pawl cu tuar dan an thiam lo. Kan nih khalin kan tuarpi zet” tiah venghnen mipakhat cun a rel.
Ko Aung Aung cu Thir thawn pehpar mi hnaṭuan a si ih, SAC ralhraang in rampi ukhruai thuneihnak a la hnu, meisa a siat ringring ruangah hnaṭuan theih lo, ei-barding tiang tlasam in an harsa ruangah thin pit tawp in Mandalay, Kyaukpadaung meisazung hmai ah a urkaang aw ih duhphorhnak a tuah.
Feb 1 sun nazi 1 hrawngah a urkaang aw ih a kiangah “၂၄ နာရီလုံး အများပြည်သူ+ပြည်သား မီးလင်းပါစေ။ ၂၀၀၁ + ၂၀၀၂ ပြန်မသွား” timi cangan a tanta.
Meikaang hliamhma thawn siizung lam ah an tlanpi nan a nat tuar loin zaanlam hnu ah a nunnak a cem a si. Ko Aung Aung in a innsangnu le fanau 2 a tanta tiah kan thei.
