Ralhraang thuphuangtu ZMT in Hakha ih Helicopter a tlak nak san sim fiang

Tuizing, March 29, zinglam nazi 9 luan hrawngah Hakha khua, Cawbuk saklam Tlangpar ah SAC ralhraang Helicopter a tlak ih hriam tuar 5 an um.

A tlak dan thu thawn pehparin Ralhraang thuphuangtu Zaw Min Tun in “nikhua ṭha lo ruangah a si. Thli a hrang tukih a ṭum nak ding hmun kiangah a tlak. A mei a siat ruangah a si.”

“Mithi cu an um lo nan Helicopter totu ralkap 2 le fimzirzung hnaṭuan mi 3 pawl hrim an tuar. An zaten siizung ah tuamhlawm in an um” a ti.

Ralhraang Helicopter cu a puak hran lo ih a mei, pangka le a ruangpum phel darh mi zuk pawl cu online ah an thlah darh. A tla lai hmutu pawl cun a mei in Farkung a vua ngah ih a tlami a si tiah an rel.

“Phun 10 camibuai hrang question paper a phur mi cu zianghman a siat lo. An kuat tum nak hmun ah a thleng zo” tiah ralhraang thuthang phuang sak ṭheutu ramsung media ṭhenkhat in an tarlang.

Leave a Reply

Your email address will not be published. Required fields are marked *