Ralhraang SAC ralkap in Sagaing PDF sakhaan luhcilh, mipi ralkap 8 kap that

Sagaing ramṭhen, Myinmu peng, Peku khua kiang ih Black Eagle Defense Force ralkap sakhaan cu ralhraang ralkap in an luhcilh ih mipi ralkap 8 an kap that tiah theih a si.

“Tuni, zinglam ah kan unau a si mi Black Eagle sakhaan cu ralhraang ralkap in an luhcilh ih mi 8 an kap that. An ni neet a thleng thlang tikhal ruat thiam loin ralhraang pawl cun an neih hmuahhmuah suahin mipi ralkap an do. An caan a thleng lai ding” tiah Myaung CDSOM ralkap pakhat in a rel.

Ralhraang ralkap hin Myinmu peng lawng siloin Sagaing ramṭhen peng dang pawl khalah santhar hmanrua thlingthlanak le Dalan hmangin Mipi ralkap nasaten an hawl.

PDF sakhaan umnak an theiciang cun khawmi pawl ralkhamphaw ah hmangin an luhcilh ṭheu tiah Sagaing hrambun thuthang ṭhenkhat tarlangnak thawngin theih a si.

Tuzing, Black Eagle Defense Force – MMU sakhaan luhcilh an tuar thu ah ralhraang thuthang pholang ṭheutu media ṭhenkhat cun zinglam nazi 6 hrawngah an luhcilh ti`n an tarlang.

Cuhleiah kah that mi mipi ralkap ruak 8 telin kuttuah meithal 4, kuttuah bomb 5, phone 15, bomb puah hridai kual 3, solar, inverter, battery le puakkuai thei ralthuam dangdang an la cih ti`n tarlang a si ih an lak sak mi bungrua zuk pawl cu internet cahmai ah an theh darh a si.

Leave a Reply

Your email address will not be published. Required fields are marked *