Ralhraang SAC ralkap in PDF mithiruak pawl Khawmi zohterhrim

Sagaing ramṭhen, Kalay peng, pyinthar khua kiang doawknak ih nunnak liam PDF ralkap pawl ih ruak cu Tlawnginn ah ret hrimin Khawmi ṭhih nak ah an hmang.

February 4 doawknak ah Kalay PDF tatsuhhmu 1, tatyin 6 ihsin mi 3, tatyin 7 ihsin mi 3 ti`n ralhraang kut tuarin PDF ralkap 7 an thi tiah theih a si ih, cupawl ruak cu Tlawnginn ah ret hrimin ralhraang SAC ralkap in Khawmi ṭhih nakah an hmang tiah theih a si.

“Khua 2 ihsin inn 1 mipakhat suah lo thei loin thu an suah ih Tlawnginn ih mithi ruak pawl an zohter hrim. Kalay PDF in, in ra kap ruangah hitin kan tuah ti`n a zohtu pawl an sim fiang” tiah khawmi pakhat cun a rel.

Tumtahbik cu Khawmi pawl PDF ah lut hlah hai seh, PDF ṭan ngam hlah hai seh ti an duh ruangah a sibik ding zum a um tiah amahcun a rel bet hrih.

February 4 ah pyinthar Tlawnginn ih umhmunkhuar SAC ralhraang le Kalay PDF an kapaw ih, doawknak ah PDF lam mithi an um bangin ralhraang SAC ralkap 10 luan an thi ve tiah theih a si.

Leave a Reply

Your email address will not be published. Required fields are marked *