NUG fimkhurlo ruangah Hramlak ih Ralkian pawl in an tuar phah thluh

NUG in thusau ruat loin Lay Kay Kaw ih ralkain pawl bomnak an va pe thu siseh, PDF pawlin ṭulsammi tete bawmnak an nei lai zuk le thu pawl an tarlang ruangah ralkian pawl umnak cu SAC ralhraang ih siim an tuar tiah theih a si.

December 28 ih Ministry of Defence – NUG thusuahmi ah ralhraang SAC ralkap pawl ramnornak ruangah KNU tatmaha 6 hmunram pawl ah ralkian 10000 luan an um thu an tarlang.

Cuhleiah KNU le SAC ralkap doawknak an cawl sungah Taiwan ihsin ralkain mipum 1000 deih bomnak a thleng mi cu NUG cozah ṭuanvonei mipakhat le PDF ralkap pawl in ralkian pawl umnak ah an va pe tiah ca an thlah ih zuk ṭhenkhat khal an tarlang cih.

Cuih cathlahmi le hmunram zuk pawl hnungzulin ralhraang SAC ralkap pawl in an va siim ih, ralkian pawl cu thih le nun dinhmun thlengin an tlanhlo thluh ti a si.

Ministry of Defence – National Unity Government of Myanmar FB cahmai ih zuk an thlah veten ralkain pawl hrang ruatin hlon saal lohli dingin mipi lamin dilngennak an nei nan a tu ca kan ngan tiangah cuih ca le zuk pawl cu a keelten a um lai.

Hivek buainak a thleng thei ruangah rampumhuap hriamkai tamzet cun an ralkap zuk siseh an umnak kaingkap zuk le mipi thawn hmuhtonawknak an nei lai zuk tivek pholang lo dingin tlangthannak an nei ṭheu a si.

Leave a Reply

Your email address will not be published. Required fields are marked *