Ralhraang SAC ralkap in Lairawn ah inn 100 hrawng Urkaang

Ralhraang SAC ralkap in Kalay peng, Natchaung khua cu April 10 zaan in an Urkaang thok ih inn 100 hrawng a kaang tiah theih a si.

April 10, zinglam nazi 11 hrawngah hrimkai ṭangrual pawl thawn an kapaw ih ralhraang 4 an thi. Cuih hmun ihsin Natchaung khua ah an lut ih in boh, thil firin inn pawl an urkaang thok mi a si.

Ralhraang ralkap pawl cun Inn tampi an urkaang hlei ah Phungkitlawng ih ralkian beutu khawmi pawl ih phone 200 luan an lak sak tiah khawmi pawl in an sim.

Ralhraang pawl Natchaung khua an lut hlan le inn an urkaang lai hrawng boruak ah hrimkai ṭangrual pawl thawn an kapaw ih, mipi humtu ralkap pawl in ralhraang 10 hrawng kan that ti`n thu an suah.

Natchaung khua ih Inn an urkaang mi pawl

Siarbet : Kalay peng doawknak ah SAC ralkap 15 hrawng an thi

April 11 zinglam nazi 6:30 hrawngah Chin ramri, Kalay peng, Natchaung khua ih caamlawktu ralhraang SAC ralkap thazaang 100 hrawng cu CNDF, CNF-KKG, ပ.က.ဖ le Kalay PDF ṭangrual in an kap ih ralhraang 15 hrawng an thi tiah theih a si.

Mipi humhimtu ralkap lam ah besiatuklo hriam tuar 2 an um tiah CNO/CNDF in thu an suah.

April 10 zinglam nazi 11 hrawng khalah Yan Gyi Aung khua lam ihsin poksuaktu ralhraang thazaang 140 hrawng cu CNDF le CDF-KKG ṭangrualin lamlak ah an rak kap.

Ralhraang SAC ralkaprual cu zaanlam nazi 4 hrawngah Chaungkhuah khua ah an lut ih, mi inn boh in thil an fir hlei ah inn ṭhenkhat an duah.

Culaiah CNDF le CDF-KKG ralkap ṭangrual cun Chaungkhuah ziin ah ralhraang pawl an rak kap ih, zinglam doawknak pawl thawn ralhraang 10 hrawng an thi ding tiah ruah a si.

Atufang, Kalaymyo kiangkap boruak a sosang ruangah Kalay-Gangaw ziinpi cu zarh khat sung an phit hrih ti`n thuthang kan ngah.

Leave a Reply

Your email address will not be published. Required fields are marked *