Ralhraang SAC ralkap 10 an that

April 10 zaanlam nazi 4 hrawngah Kalay peng, Chaungkhuah khua Urkaang rerotu ralhraang SAC ralkap pawl cu Vakok – CNDF le KKG (CDF) ralkap ṭangrual in an kap ih Ralhraang 10 hrawng an thi tiah theih a si.

Ralhraang SAC ralkap cu thazaang 140 hrawng an si ih, zinglam nazi 11 hrawng khalah CNDF le CDF ralkap ṭangrual pawl thawn an kap aw.

Zaanlam nazi 4 hrawngah Chaungkhuah khua ah an lut ih inn boh, thilfir in, inn an urkaang hnu, Chaungkhuah le Natchaung karlak ah CNDF le KKG ralkap pawl in lamlak ihsin an rak kap ih ralhraang 10 hrawng an thi.

CNDF le CDF ralkap lam ah hriam tuar umloten dung kan siip thei saal ti`n Vakok – CNDF in thu an suah.

Atufang hi Kalay kiangkap boruak a sosang ruangah Kalay-Gangaw ziinpi zawh lo dingin thu an than a si.

Leave a Reply

Your email address will not be published. Required fields are marked *