Ralhraang ralkap tuahmi Bawlungsit puai ah an sualaw ciamco

Thlanglam Shan ram, Kalaw myone ah ralhraang ralkap hohanak thawn tuahmi bawlungsit puai ah buai nak a suak ih an lek lai ah cawl tahratin an namaw ciam co.

Minzaan, July 20 ih thil cang a si ih bawlungsit pawl tiaw thiam loin an namaw ciamco ruangah ralhraang ralkap pawl in meithal an hmet puak ih buainak an ti tawp.

“Yaeyar le Aungpan khua pawl an lek lai ah buainak a suak ih mipi ṭhenṭhek terin meithal an hmet puak. A zohtu pawl kan thir duk di. Hivek leknak men ih meithal hmet puak cu kan khua kan ram a him lo zia a lang” tiah a hmun ih umtu mipakhat cun Shan media hnen ah a sim.

Bawlungsit puai ah Kalaw myone veng dangdang le khawte pawl ihsin team 40 lenglo zuanawknak ah an tel ti a si ih, a ṭhen cu ralhraang ralkap fialnak ruangah phur lo cingin an tel tiah tualsung thuthang pawl ah tarlang a si.

Bawlungsit lai buainak a suak ih meithal hmet puak in an cawl hnu ah puai dang pawl khal an lek pehzom tum lo ti`n ramsung thuthang pawl ah report a um a si.

Leave a Reply

Your email address will not be published. Required fields are marked *