Ralhraang ralkap pawl hualzok reromi Tlawng sayama an run suak

Ralhraang ralkap hawl reromi Kaung For You Education Federal Tlawng sayama pakhat cu an kai man hlan ah Spring Ranger pawlkom in an run suak thei thu, thuthang an suah.

Amah le midang humvennak hrang ruatin a hmin le an runsuaknak hmun tarlang a si lo ih “atanglai pawl khal runsuak kan tum vivo ding” ti`n Spring Ranger cun July 17 ah thu an suah.

Tlawng sayama hin a pehtlaih hmai ih phone le message kuataw in thureltlang a si ih, cutin buaibainak umloten an ruansuak theimi a si.

Thu puutdarh ruangah NUG thawn pehparmi Kaung For You Education fimzirnak thawn pehpartu tamsawn cu atufang ralhraang rakap in an hawl lai fang a si ih, Tlawng sayagyi tiih tarlangmi Kaung Teik Soe le a rualpi ṭhenkhat khal, ralhraang ralkap in an kai ngah thu, an phuang zo.

Tlawng saya/sayama kaihngahmi khal an um hnih thum zo hlei ah Tlawngta pawl an hmin sal in ralhraang ralkap in hawl mi an nei ruangah Kaung For You Education thawn pehpartu zaten fimkhur cio dingin thuthanawknak a um rero zo.

Culai ah nan fapa/fanu cumi khami cu Kaung For You Education ih Tlawngkaimi a si. Kaihkhih awk hrial nan duh le himi/khami ah paisa cuzat/khazat rak thun aw ti`n bumawknak a um ruangah nu le pa pawl thin rethei in an um tiah thuthang kan thei.

Leave a Reply

Your email address will not be published. Required fields are marked *