Ralhraang ralkap in Insein Thawngtlak mi 3 that bet : Report

Ko Jimmy le Phyo Zeya Thaw telin Thawngtlak 4 an that hnu ah, ralhraang ralkap in Thawngtlak dang mi pathum an that bet zo tiah U Tun Kyi in Delta News Agency hnen ah sim.

Amah hi ramkhel thu thawn pehpar ih Thawngtlak dah a si ih, Thawnginn hnaṭuan mipi lamṭang pawl hnen ihsin thuthang a thei mi si in a rel.

“Atu ah ram thubuai thawn pehpar ih Thih daan tat Thawngtlak za luan an um. Tu hnu ah mi ziangzat an that bet zo ti cu felfaiin theih a si lo. Thawnginn hnaṭuan mipi lamṭang pawl hnen ihsin thuhla zirzoi rero a si ih, amalbik mi 3 an that bet zo ti`n kan thei” tiah amahcun a ti.

Thahawknak dodal in July 25 ah Thawngtlak pawl in duhphorhnak an tuah ih, palik le ṭuanvonei pawl ih kutthlaknak ruangah hriam tuar tuamhlawmṭul an tam tikhalin U Tun Kyi cun a rel bet hrih.

Tu dinhmun ah AAPP thu khum vek a si le Khawtlang mipi thieh ih Thih daan tat mi mipum 72 le a thupte` thih daan tat mi mipum 41 an um ih an zaten mipum 113 an si.

Leave a Reply

Your email address will not be published. Required fields are marked *