Ralhraang ralkap in Black Eagle PDF pawl rapthlak zetin that hrim

Sagaing ramṭhen, Myinmu peng hrambun Black Eagle Defense Force ralkap 8 cu ralhraang SAC ralkap in rapthalk zetin an that hrim.

Thah tuar mipi ralkap lakah Sagaing Students Union ṭuanvonei Ko Wai Yan Phyo a tel ve ih amah thawn naivaitu mipakhat cun Urkaang an si ih an ruh ro le vutcam lawng kan ngah ti`n tualsung hrambun media hnen ah a sim.

Urkaangmi PDF ralkap pawl

“An that hnu ah maw an urkaang? nung cingin maw an urkaang ti cu thei a theih nawn lo. An kut pawl dunglam ah an ṭawn ti cu a ciang. Rapthlak zetin an that hrim tikhal a ciang.”

“Mipi le PDF ralkap pawlin in ṭih hai seh ti`n rapthalk zetin mi an that hrim ih khawtlang mipi hmuh dingin an ret hrim. Tuzing (May 9) ih Black Eagle rapkap pawl an that mi khal an ruh ro le vutcam lawng lak ding a um” tiah a ti.

Sagaing ramṭhen, Myinmu peng, Peku khua kiang ih Black Eagle Defense Force ralkap sakhaan cu May 9 khuavang pek ah ralhraang SAC ralkap pawl in an luhcilh ih mipi ralkap 8 an that.

Cuhleiah mipi ralkap ta kuttuah meithal 4, kuttuah bomb 5, phone 15, bombpuahnak hridai kual 3, solar, inverter, battery le puakkuai thei ralthuam dangdang an lak sak tiah theih a si.

Leave a Reply

Your email address will not be published. Required fields are marked *