Ralhraang ralkap dungthlun pawl in That tuar innsang pawl Hmuhsuam Zuamtai

Ralhraang thlai that mi Ko Jimmy le Phyo Zeya Thaw tei` sungkhat naivai inn pawl cu tuni July 27 ah ralhraang ralkap dungthlun, hnipuan pangai hruk mibur in lungto thawn an deng ciamco ih ṭongsia aansia an phut.

Sun nazi 1 luan fangah Jimmy nu le a uu umnak, Insein an inn hmai ah mibur 50 hrawng an suak ih, ṭongsia camriam in an aukio hlei ah arti le Lungto thawn an inn an deng ciam co.

“Hnipuan pangai hruk in mawṭaw pangai thawn an ra ih Lungto le arti thawn inn an deng ciamco. Kiangkap mawṭaw thlalang an dengkuai ngah mi khal a um” tiah tualsungum mipakhat in a rel.

Kyauktadar myone, Bo Aung Kyaw lamzin ih um Phyo Zeya Thaw ih pa umnak inn khalah mibur khat an feh ih ṭongsia annsia phut phahin lungto thawn inn an deng ciamco.

“Au phah in khuahLi thawn an sai, Lungto thawn khal an deng. Truck fate thawn an ra ih hnipuan pangai an hruh. Inn thlalang an deng kuai. Kiangkap zung le mawṭaw thlalang khal an deng kuai ngah” tiah tualsungum pakhat in a rel ve.

Kan ram a buai hnu, khawsung duhphorh lamzawhnak lole mibur deuh umtlang ruangah ralhraang ralkap in mipi ṭhenṭhek tumin mawṭaw thawn an pah hrim ṭheu nan, tuni buainak ahcu ralhraang ralkap hmuh ding an um lo.

Leave a Reply

Your email address will not be published. Required fields are marked *