Ralhraang kut tuar PDF sungtel 13 le khuami 4 hrangah Phuba an la

September 9 ah Gangaw peng, Mintha khua ih PDF sungtel 13 le khuami 4 thah an tuar mi thu thawn pehpar in September 10 ah phuba kan la thei zo tiah Gangaw-PDF in tlangthannak an nei.

September 10 zinglam ah Gangaw peng, Hnankha khua kiangah Gangaw-PDF le CNF ṭangrual in SAC ralhraang an do nakah ralhraang lam mithi 15 hrawng an um thu le raldo bawmtu CNF par ah lungawi thu an sim tel cih.

Cutiih ralkap 15 hrawng an thi ruangah SAC ralhraang pawl cun hngirṭeu in Hnankha khua an luhcilh ih inn 36 an urkang hnu, zaan lam ah khua an suah san saal tiah Gangaw-PDF ih thusuahmi ah an ngan tel.

Kahdonak ah Gangaw-PDF siseh, raldo bawmtu CNF ralkap 10 lakah hriam tuar le khawngaw pakhathman an um lo.

Gangaw PDF cun Dothlengnak hlawhtlinni tiang mipi par ah rin um zetin hna kan ṭuan pehzom ding tiah mipi hnen ah thutiamnak an nei cih a si.

SAC ralhraang Urkaangmi Hnankha khuasung ih inn kaang lai video

Leave a Reply

Your email address will not be published. Required fields are marked *