Ralhraang kut tuar PDF mino pawl hrang Phuba an la

Sagaing ramṭhen, Depeyin peng doawknak ih nunnak liamtu PDF mino pawl hrangah Galon – PDF in tuini ah phuba an la tiah theih a si.

December 9, zaanlamhnu ah Depeyin peng, Saingpyin myone palikzung hmai ih ralhraangbuuk an va siim ih, palik 10 hrawng an rak um nan zohman an cangvai manlo ti a si.

“In hruaitu telin mi panga kan si ih, ralhraang 10 hrawng umnakah rinlopin bomb kan deng tikah cangvai mannak an nei lo.”

“Kan nih cu kan him, ralhraang lam ah mipakhat lawngin in do let thei tikah mithi le hriamtuar an tam ding kan zum” tiah Galon – PDF hruaitu mipakhat in a rel.

Mipi lamṭang ralkap pakhat khalin “khuami 1 an that cun ralhraang uico 10 kan that ding. Depeyin santhuanthu mawi zetin kan ngan ding” a ti.

Leave a Reply

Your email address will not be published. Required fields are marked *